Beynəlxalq Proqramlar Ofisi

Mevlana Mübadilə Proqramı

Mevlana mübadilə proqramı nədir?

Mevlana Mübadilə Proqramı Türkiyə universitetləri ilə digər ölkələrin universitetləri arasında tələbə və professor-müəllim mübadiləsi proqramıdır. 23 Avqust 2011-ci il tarixində verilmiş 28034 saylı fərman sayəsində Türkiyə universitetləri ilə digər ölkələrin ali təhsil müəssisələri arasında tələbə və professor-müəllim mübadiləsi mümkün oldu. Digər mübadilə proqramlarından fərqli olaraq, Mevlana coğrafi ayrı-seçkilik olmadan bütün dünya ali təhsil müəssisələrini əhatə edir.

Bakı Ali Neft Məktəbi, 2020-ci ildən bəri Mevlana Mübadilə Proqramında fəal iştirak edir və Türkiyənin 10 universiteti ilə bu istiqamətdə partnyorluq edir.

Mevlana Mübadilə Proqramında neçə dəfə və nə qədər müddət iştirak edə bilərik?

Mübadilə Proqramında iştirak etmək istəyən tələbələr xaricdə 1 (minimum) və yaxud 2 (maksimum) semestr müddətində təhsil ala bilər.  Semestr müddəti təhsil sistemləri nəzərə alaraq fərqli ola bilər, lakin ümumi mübadilə müddəti bir tədris ilindən çox ola bilməz. Akademik heyətdə Mevlana Mübadilə Proqramında iştirak edə bilər. Akademik heyət xaricdə 1 həftədən (minimum) 3 aya (maksimum) qədər mühazirə keçirə bilər.

Tələbələr Mevlana Mübadilə Proqramına qatıldıqda hər hansı bir təhsil haqqı ödəməlidirlərmi?

Mevlana Mübadilə Proqramı çərçivəsində tələbələr ev sahibi müəssisəsinə heç bir təhsil haqqı ödəmir, bununla belə onlar öz doğma universitetlərinə məcburi təhsil haqqını ödəməyə davam edirlər. Mevlana tərəfdaşlarının siyahısını aşağıdakı linkdən yükləyin:

Partnyorlar